816 ka mag-uuma nahatagan ug semelya ug abuno

GENERAL SANTOS CITY – Gipangunahan ni Alabel Municipal Mayor Vic Paul Salarda ang pagpanghatag og mga semilya sa mais ug abuno gikan sa Department of Agriculture (DA) sa 816 ka mag-uuma.

Gani gipasalamatan sa Mayor ang mga mag-uuma tungod sa padayun nga pagsuporta sa mga programa hilabi na sa pagpalambu pa sa sektor sa agrikultura nga usa sa mga prayoridad sa administrasyon.

Nakita sa Opisyal ang determinasyon, pagpaningkamot og kalig-on sa mga mag-uuma taliwala sa nasinatian nga El Niño Phenomenon ug nagpabilin ang kadasig nga magtanum.

Ang nahisgutan matud pa nga sektor nga gitawag ug backbone sa ekonomiya ang angayan nga tabangan .

Ang 816 ka mag-uuma ang nakadawat ug semelya sa Mais ug tig tulo ka sako sa abuno .