GENERAL SANTOS CITY – Naalarma ang kapulisan sa kalit pagtaas sa ihap sa mga disgrasya sa kadalanan.
Kini human gikumpirma ni PNP City Director Col. Nicomedes OLaivar Jr. nga daghang panghitabo sa bangga ug sakyanan luyo nga hilabihan ka init sa panahon.
Matud ni Olaivar nga sa data nga gihuptan sa Traffic Enforcenent Unit kasagaran sa mga nadisgrasya ang hinungdan human error.
Nahitabo ang disgrasya tungod ang drayber nakatulog, gikapoy, naka inum, ug kasagaran Biyernes paingon sa adlaw nga Dominggo mahitabo ang disgrasya. Kasagaran usab nga nalambigit ang gikan sa pagpangaligo ug dagat.
Tungod niini mas gipahugtan sa kapulisan sa syudad ang mga muadto sa mga swimming resort pinaagi sa pagsusi sa mga driver aron masuta kung wala nakainum ang mga nahisgutan.
Lakip sa ginasusi ang kundisyon sa sakyanan.
Mensahe niini nga likayan gayud nga mu-inum hilabi pa kung sakay ang ilang mga pamilya o kabanay aron malikay sa posible nga kaguol.
