GENERAL SANTOS CITY – Gikumpirma sa grupo ni kanhi Gensan Mayor Ronnel Rivera nga subli mupapili sa 2025 elections.
Kini human nagpatawag ug conference aron ipahibalo ang plano sa ilang partido.
Luyo sa maong katuyu-an wala gipadayag sa kanhi Mayor kung unsa nga posisyon ang daganan hinuon giangkon nga kompleto na ang ilang partido aron atbangan ang administrasyon nga gipangunahan ni Mayor Lorelie Pacquiao.
Bugtong pasalig niini nga angayan sila nga mahimong lider tungod sa ilang kasinati-an ug kakayahan sa pagpadagan ug gobyerno.
Alang kang Rivera dili masulti kung malisod ug sayon nga atbangan ang ruling party nga Peoples Champ Movement.
Giangkon niini nga challenging ang nahitabo nga election kanaidtong 2013 tungod pipila lamang sa mga kapitan ang mikuyog kaniya.
Base matud pa criterion aduna silay edge batuk sa ilang mga kaatbang sa 2025 elections.
