GENERAL SANTOS CITY – May bag-o na nga world champion ang Pilipinas human gipildi ni Melvin Jerusalem ang kanhi world boxing champion nga si Yudai Shigeoka pinaagi sa 12-round split decision aron angkunon ang WBC World minimumweight title.
Sa SCORECARDS duha ka boxing judge ang mipabor sa Pinoy bower: 114-112 Jerusalem, 114-112 Jerusalem, 113-114 Shigeoka.
Kahibaloan nga milukapa makaduha ka higapon ang kaatbang nga Hapon apan nahimo pa niining makabangon ug nilahutay sa 12 rounds.
Luyo niini, wala na makabawi sa puntos ang Hapon.
Sa nahimong kadaugan, si Jerusalem aduna nay record nga 22W-3L 12 knockouts samtang si Shigeoka naangkon ang labing unang kapildihan sa iyang karera, 8W-1L, 5 knockouts.
Malipayon usab nga gipadangat sa uban pang Pinoy boxers ang ilang pagtimbaya ngadto na kang Jerusalem sa naangkon niini nga kadaugan.
Lakip mipahayag sa iyang pagtimbaya ang lain pang Gensan pride nga si Raymart Gaballo.
