GENERAL SANTOS CITY – Gipahigayon ang kumpletong autopsy exam sa patay nga lawas ni Princess Arian Cabucos, 7 anyos nga grade 1 pupil nga nakaplagang patay human nga na missing pipila ka adlaw.
Matud kang Dr. Ricardo Rodaje, medico legal sa NBI Sarangani District Office nga human ang pag-autopsy nga iyang gihimo nasuta nga nakaangkon ang biktima og grabeng mga samad sa iyang lawas.
Ang ulo ang may fracture secondary to trauma, ang iyang ngabil ang may samad sa ubos og tuo nga bahin nga nagresulta sa pagkatangtang sa duha ka ngipon sa ilawom ug may duha usab ka ngipon sa taas ang natanggal.
Ang likod sa ulo ang may samad og napalibutan ug bun-og.
Samtang ang iyang liog ang may bun-og usab nga posibleng gitook ang bata nga hinungdan sa kamatayon niini.
Gibutyag ni Rodaje nga giablihan usab ang utok sa biktima kung asa nakita nga may sagul dugo ang utok.
Ang kilid sa lawas ang daghan og bun-og pati ang atubang ug likod.
Samtang ang external genitalia ang gipugos ug abli nga sa iyang pagtuo gihilabtan gayud ang maong bata.
Apil ang sampot sa bata ang gipugos usab pag-abli.
Nasuta usab nga nakakaon pa ug kan-on ang bata base sa iyang pagtan-aw sa tiyan sa nahisgutan.
Nabali usab ang li-og hinungdan sa pagkamatay.
