GENERAL SANTOS CITY – Gihingusgan ni Atty. Rogelio Garcia, usa sa mga abogado sa dakbayan nga ipaagi sa diplomatic nga lakang ang bugtong nga mahimo sa Pilipinas aron nga dili musamot ang tension sa West Philippine Sea.
Matud pa niini nga pwede nga magpatabang ang nasud sa United Nations aron nga maresolba ang tension.
Kini gumikan dili pwede nga musukol ang Pilipinas gumikan dako kaayo ang pwersa sa militar sa China nga dili kaya sa nasud.
Angayang pangitaan og pamaagi nga muhupa ang tensyon gumikan kung magdugay pa basin musamot pa ang mahitabo.
Kini tungod ubay-ubay na ang pwersa sa China sa West Philippine nga may insidente na nga gibanggaan sa barko sa Chinese Coastguard ang Philippine Coastgurad vessel.
Una niini gitawagan ni Chinese President Xi Jinping ang ilang armed forces nga magpreparar alang sa military conflicts sa dagat aron maprotektahan ang ilang maritime rights og interests.
