GENERAL SANTOS CITY – Malipayong gipahibalo sa publiko ni Dr. Ryan Aplicador, hospital Chief sa Dr. Jorge Royeca Hospital sa dakbayan sa Heneral Santos nga magamit ang CT Scan nga anaa sa gidumalahang ospital kung mahuman na ang programs niini.
Base sa pasalig kaniya sa mga Engineers og Specialist nga molungtad kini sa duha ka semana himuon luyo nga kaniadtong Pebrero 14 nasugdan ang installation sa maong himan dungan sa selebrasyon 50th Golden anniversary sa Dr. George Royeca Hospital.
Hinuon wala pa niini gianunsyo kung kanus-a mahimong abli sa publiko.
Malaumon nga makaserbisyo na ang CT Scan sa mga residente sa syudad.
Giangkon ni Dr. Aplicador nga malipayon siya nga may kaugalingon na gayud nga CT scan ang syudad.
Samtang gibutyag ni Dr. Aplicador nga Level 2 DOH accredited na ang pampublikong tambalanan sa syudad kung asa ang mga serbsiyo gilangkoban sa ICU, Surgery, og pag-angkon ug kaugalingong covid facility nga adunay ICU usab.
