GENERAL SANTOS CITY – Giangkon ni Atty. Rey Cartojano, co-anchor sa programang Duralex Sedlex sa Bombo Radyo GenSan nga dili pwede mapadaplin ang isyu sa pulitika sa imbestigasyon sa kongreso batok kang Pastor Apollo Quiboloy.
Matud pa ni Atty. Cartojano nga kini gumikan si Quiboloy ang suod nga kaalyado sa pamilyang Duterte.
Luyo niini nga angayang atubanglon ni Quiboloy ang mga alegasyon kaniya aron magpabilin ang iyang kredibilidad.
Gikadugang pa sa nasampit nga trabaho sa kongreso ang mag-imbestiga kalabutan sa nagkadaiyang mga nahitabo sa nasud.
Ang mas maayong himoon ni Quiboloy nga magdangop sa korte kung dili niya gusto nga mag-atubang sa imbestigasyon sa kongreso.
Una niini nagbahad ang mga magbabalaod nga ilang ipadakop si Quiboloy oras nga dili magtambong sa imbestigasyon gumikan pila na kahigayon nga wala miadto bisag giimbitahan.
Samtang ang tanang mga alegasyon batok kang Quiboloy ang iyang gipanghimakak.
