GENERAL SANTOS CITY – Gipasidunggan sa Anti-Red Tape Authority ang administrasyon ni Mayor Lorelie Pacquiao sa pagpatuman sa mga best practices kalabot sa ease of doing business ug anti-red tape initiatives.
Matud ni ARTA Regional Chief Rhuelo Aradanas nga nakuha sa syudad ang gipatuman nila nga checklist ug pagpasa sa core area on Compliance sa ARTA Provisions ug Overall Client Satisfaction.
Matud ni Rhuelo nga kini ang unang higayon nga mahatagan ug ARTA Seal of Excellence ang syudad nga ipahigayon karong bulan sa Mayor isip pagsunod sa Republic Act 9485 kon Anti-Red Tape Act.
Gikadugang niini nga sa miaging tuig ang syudad lamang sa Cagayan de Oro City ang nakakuha niini sa tibuok Mindanao nga nahatagan ug certificate of commendation sa ARTA.
Una nga gibutyag sa LGU nga gipaningkamutan nga mawala ang red tape ug korapsyon sa gobyerno pinaagi sa maayo nga serbisyo alang sa paspas nga paglambo.
Ang pagbisita sa Anti-Red Tape Act Authority Eastern Mindanao aron susihon ang pagsunod sa mga buhatan sa LGU aron palig-unon pa ang Committe on Anti-Red Tape o CART.
