GENERAL SANTOS CITY – Natugyan na ngadto sa Local Government Unit sa Malungon Sarangani ang Super Health Center nga adunay mga gamit.
Pinaagi sa turn over ceremony nga gipangunahan ni DOH XII Director Aristides Tan ang pagtugyan niini kang Malungon Mayor Tessa Constantino.
Ang pagpatindog sa proyekto ang gigahinan ug P9.9 million gikan sa Department of Health nga nahimutang sa Lamcanal , Malandag, Sarangani Province.
Sa mensahe ni Constantino nga dugay ng damgo sa lokalidad nga makaangkon sa susama nga mga pasilidad nga magamit sa mga inland residents nga nagpuyo sa mga lagyo nga dapit.
Gikadugang sa Opisyal nga ang paspas nga pagtapos sa mga lokal ug nasyunal nga proyekto sa lugar ang nahimo tungod sa panaghiusa ug kooperasyon sa mga barangay LGU ug mga opisyal nga nagpadayon hangtud karon.
Mitambong usab sa programa ang Representate ni Senator Bong Go nga nahimong liyawe sa pagpabarug sa nahisgutang proyekto.
Dinhi sa rehiyon dose may napatukod ng mga Super Health Centers sa Lake Sebu, South Cotabato ug Kiamba ug Maasim sa Sarangani Province.
