GENERAL SANTOS CITY – Dako ang tabang sa presensya sa mga BAGANI Warriors ug mga sakop sa Barangay Police Action Team sa pagmintina sa kahusay ug kalinaw sa Malungon Sarangani.
Kini ang unod sa report nga gipdangat ni Lt. Col. Jovenson Bayona sa Sarangani Provincial Police Office.
Gumikan matud pa sa partisipasyon sa 107 ka Bagani Warriors ug 100 ka BPAT members wala maglisod ang kapulisan sa pagbantay sa 31 ka barangay nga sakop sa munisipyo.
Gisaysay pa ni Bayona nga dili lang ang kapulisan, militar ang gitabangan sa nahisgutang grupo tungod kaabag usab sila sa MDRRMO panahon sa emerhensiya.
Gikadugang sa Opisyal nga gilayon nga mamonitor kung adunay dautang elemento nga naglihok sa matag Barangay tungod may hugot nga koordinasyon ang nahisgutang grupo ngadto sa mga Opisyal sa ilang barangay.
