GENERAL SANTOS CITY – Tungod sa pagtibangay sa daghang ahensiya sa gobyero hingpit ng nahilway sa mga aktibidad sa druga ang trese ka barangay sa syudad.
Kini ang malipayon nga taho ni City PNP Director Police Col. Nicomedes Olaivar nga usa ang PNP sa mga nakatutok sa kampanya batok illegal drugs hinungdan nga naangkon ang pagka drug cleared.
Aminado ang opisyal nga dili sayon ang proseso sa pag-angkon sa drug cleared Barangay apan luyo niini ilang gipaningkamutan nga maduso ang tanang rekositos nga nagresulta sa pagdeklara sa 13 ka mga barangay sa Gensan isip Drug Cleared.
Matud niini nga dili ikatago nga ang Gensan usa ka urbanized city kansa target sa mga iligalista.
Kini ang hinungdan nga gipakusgan sa kapulisan sa tabang sa uban pang ahensya sa gobyerno aron ilang mamonitor pinaagi sa intelligence effort aron nga masanta ang mga nalambigit sa illegal drugs.
Gikadugang niini nga bisan gideklara nang drug cleared ang trese ka mga barangay dili kini garantiya nga dili na gyud masudlan ug illegal nga droga.
Tambag niini sa nahibilin nga trese ka barangay nga isumite pag-usab ang mga rekositos sa pamasain nga makapasa na unya ug madeklara usab nga drug cleared.
