GENERAL SANTOS CITY – Isip tubag sa mga pagsaway nagpahigayon ug joint profiling and inspection ang buhatan sa department of Trade and Industry, City Administrator’s office sa mga namaligya ug bugas humay sa merkado ning syudad.
Mismong si City Administrator Atty. Franklin Gacal Jr. ang nagkumpirma niini human nagpagawas ug kamandu-an ngadto nilang Lito Esclamado ang labaw sa public market ning syudad ug Business permit Licensing Officer Geraldine Zamora.
Matud ni Gacal nga ang profilling ug inspection isip pamatuod nga nagsunod ang mga namaligya ug bugas sa kamandu-an ni Pangulo Ferdinand Marcos Jr. gipalig ni Gacal nga magpahigayon subli sa susama nga aktibidad sa sunod semana aron sigurado nga mapatuman ang pabaligya sa well milled rice sa gimando nga presyo.
Nasuta nga dinhi sa dakbayan 100 percent nga gituman sa mga namaligya ug bugas ang Executive order number 39.
