GENERAL SANTOS CITY – Sa sesyon karong adlawa mahibaw-an kung si kinsa gayud ang muhulip sa posisyon ni Konsehal Dominador Lagare Jr. sa komitiba sa transportasyon.
Kini human naghatag ug reaction si Konsehal Lagare sa mga traysikel driver nga wala giusab ang maayong plano sa syudad aron mahan-ay ang problema sa mga moda sa transportasyon.
Gihingusgan niini nga dako ang iyang gugma sa maong sektor tungod dugay na nga panahon nagkaproblema ang transportasyon ug aron mahan-ay iya nga gidawat ang hagit nga huptan ang committee on transportation bisan pa sa kabalaka nga kapildihan ang padulngan sa kinsa mang muhupat sa naasoy nga komitiba.
Matud niini nga iya nang napakita sa dakbayan ang mga paningkamot kuyog sa administrasyon aron suportahan ang iyang gipanday nga balaudnon.
Matud niini nga kung unsa man ang dangatan sa transportasyon dili siya ang angayan nga mahayon tungod iya nang gihan-ay ang maayong plano sa libu libu ka mga traysikel nga gusto mahimong legal ang pamasada sa syudad.
Kahinumduman nga gipasa sa konseho ang omnibus franchizing regulation sa mga traysikel. Gikalaro niini nga dili kini muresign isip committee chairman sa transportasyon sa konseho.
