Labing dako nga demolisyon nga gipangandaman sa kapulisan ang Olarte Espina state, kini human nahatud sa court sheriff ang kopya sa writ of demolition sa mga Olarte nakalabay nga semana.
Matud ni City PNP Director Col Joemar Alexis Yap nga migamit ug dakong tropa sa kapulisan nga naka full battle gear aron ipakita ang kaandam sa otoridad.
Matud ni Yap nga hangyo sa Sheriff nga magdala ug dakong pwersa bisan sa paghatud pa lamang sa writ of demoliton sa pangandam sa posebli nga kasamok .
Pagka karon ila pang gina evaluate ang mga report nga nadawat sa kapulisan nga gamiton matud pa ang mga bata ug grupo sa mga babaye nga edaran aron babagan ang demoliton team.
Giistudyuhan usab sa kapulisan ang mamahimo nga lihok sa mga lalaki panahon sa demolition human gikataho nga nagtago ug pipila ka armas ang pipila ka mga residente sa lugar.
Pagka karon nakiglambigit na ang kapulisan sa mga ahensiya aron mutabang sa pagresolba kung adunay kagubot nga mahitabo sama sa mga social worker sa Departament of Social Welfare and Development Office, Sangunian Kabataan ug uban pa.
Una nang gibutyag ni Col Yap nga ang Olarte state maoy tagu-anan sa pipila ka indibidwal nga nalambigit sa paghimo ug krimen sa syudad.
