GENERAL SANTOS CITY – Target palabwan sa mga atleta sa rehiyon dose kon Socsksargen Region ang ilang kanhi pwesto nga nagtala sa ikaupat sa miaging Palarong Pambansa 2019.
Kini ang pahayag ni Magdaleno Duhilag Jr. ang General Athletic Manager sa rehiyon sa pakighinabi kaniya sa Bombo Radyo Phil. News Team .
Matud ni Duhilag nga padayon ang pagsingabot sa mga atleta gikan sa Soccksargen region human nakaabut sa Marikina City ang kasagaran sa delegasyon.
Kini human gibutyag nga nahinam-hinam na ang mga atleta alang sa indibidwal event human gibisita sa mga atleta ang venue sa Marikina sports center ang lugar nga ipahigayon ang kasagaran sa mga sport events.
Gipaklaro usab ni Duhilag nga nagpahigayon gihapon sila ug rehearsals sa mismong venue apan anaa na sila sa “cooling down” stage. Matang kini sa pangandam nga gikinahanglan lakip na ang pagpahulay sa mga atleta aron pangandaman pagmaayo ang ilang dula.
Karong adlawa opisyal nga ablihan ang Palarong Pambansa 2023 apan sa Hulyo 31 pa ihan-ay ang tanang regulasyon, ug sa Agosto 1, pagasugdan ang mga dula nga molungtad hangtud sa Agosto 05, 2023.
Nasuta nga ang belitting center sa mga atleta gikan sa rehiyon dose mao ang Fortune Elementary School ug Fortune High School sa Marikina City.
