GENERAL SANTOS CITY – Gibutyag ni City PNP Director PCOL Jomar Alexis Yap nga aduna na silay lead sa kaso sa pagpamusil-patay kang Joel Aponesto, 42 anyos, usa ka collector sa Barangay Dadiangas South, ug residente sa purok 2 Fishermans Village, Brgy Bula, ning syudad sa Heneral Santos.
Apan, nagdumili nga muhatag ang opisyal og dugang mga detalye tungod nagpadayon pa ang gihimong imbestigasyon. Dugang pa niini, hugot ang ilang operasyon aron matumbok ang timailhan sa suspek ug kasamtangan silang nakig-alayon sa pamilya sa biktima og sa uban pang mga kaila niini nga makatabang sa pagresolba sa kaso.
Kahibaluan nga sa miaging Hulyo 14 sa hapon natigayon ang pagpusil patay sa biktima nga gilayong girespondihan sa kapulisan.
Ang biktima ang daling gidala sa usa ka balay tambalanan apan pipila ka oras nakabsan kini sa iyang kinabuhi. Base sa inisyal nga imbestigasyon nga aduna matod pay usa ka lalaki ang minaog sa usa ka sakyanan padulong sa balay sa biktima ug gitiro ang nasampit duha ka higayon nga miigo sa iyang ulo ug tiyan.
Dugang pa niini, nga ang biktima ang gipailawom sa rehabilitation gumikan sa illegal nga droga.
