GENERAL SANTOS CITY – Gibutyag ni Brgy. Kapitan Reynante Curit sa Brgy. Fatima nga walay koneksyon ang plano ni kanhing Kapitan Jing Jayuma sa pagdagan sa umaabot nga piniliay sa pagpamusil patay kaniya kagahapong adlawa
dungan sa pagkumpirma sa pamilya sa interest ni Jayuma sa pagdagan kung asa migawas dayun ang maong mga paglantaw ug alegasyon sa katawhan gumikan hapit na ang piniliay.
Apan aminado si Kapitan Curit nga bisan wala pa ang kampanya aduna nay mga banat o pagpagawas sa mga issyu ang mga duna usab interest nga mudagan sa umaabot nga eleksyon sa ilang barangay apan alang kay kapitan Curit, ginagmay lang kini ug layu ra kaayu aron makadesisyon ang usa ka kalaban nga patyon ang parehas nga aspirant.
Aduna matud pay mga ginagmay nga panagtigum o pulong ang makitang ginahimo kaniadto ni Jayuma kauban ang laing mga indibidwal.
Sa ilang pagsuta walay mga reklamo o record si Jayuma sa barangay. Posible aduna lang mga personal bad shots apan wala kini nakaabot sa brgy.
Kahinumduman nga tuig 2010, ang Kanhing 1st Kagawad nga si Jing Jayoma ang milingkod sa pagka kapitan sa ilang barangay human ang kamatayon ni Former Kapitan Reynaldo Toyogon Sr.
Human niini, sa 2010, 2014 ug 2018 sunod sunod na ang pagka pilde ni Jayuma sa pagka kagawad.
Kahibaluan nga kagahapon alas 5:30 sa buntag gipusil patay ang nasangpit nga 63 anyos sa wala mailhing mga suspek.
Samad pinusilan sa ulo ang naangkon sa biktima hinungdan sa iyang hinanaling kamatayun.
Samtang sa bahin sa kapulisan, gikumpirma ni PCol. Jomar Alexis Yap ang City Director sa GSCPO nga base sa ilang nakuha nga mga CCTV footages, makita nga aduna nay 2 ka lalaki nga sakay sa motorsiklo ang gasunod sa biktima, pulos kini naka jacket, shorts, ug tsinelas apan ang driver maoy nakasul-ob ug helmet, ila na usab itandi ang mga laing suspek sa mga nakuha sa CCTV.
Samtang ang mga nakuhang empty shells gipailawom na sa Ballistic Examination.
