GENERAL SANTOS CITY – Gipangulohan sa City Environment and Natural Resources Office (City ENRO) ang opening salvo alang sa World Environment Month, nga gisaulog karong Hunyo.
Gipangunahan ni City ENRO Department Head Allan Marcilla ang opening salvo nga nahitabo atol sa flag raising ceremony sa mga empleyado sa lokal nga kagamhanan sa General Santos kagahapon, Hunyo 5, 2023.
Sa nasangpit nga opening salvo, gihatagan usab og pasidungog ang mga mananaog sa World Biodiversity Poster Making Contest, nga gibahin sa tulo ka kategorya:
Painting, illustration board poster, ug digital painting.
Ang representante sa Dadiangas North High School maoy midaog sa painting champion, samtang ang illustration board poster champion gikan sa Irineo National High School ug Lagao National High School alang sa digital painting.
Duna pay laing mga aktibidad nga ipahigayon karong buwana sa pagsaulog sa World Environment Month sama sa Coral Triangle Day, Coastal and River Clean-Up, World Sea Turtle Day, Environment Forum, Zumba, Fun Run, Philippine Arbor Day, Tree Planting, Gensan Experiment Convergence, ug Environmental Art Exhibit.
