SARAGANI – Gisuta na sa kapulisan sa Maitum ang motibo ug ilhanan sa suspek sa pagpamusil sa duha ka lalaki sa Sitio Bantog,Barangay Mindupok, Maitum Sarangani Province, sa miaging adlaw.
Nasuta nga Patay ang usa ug angol ang laing usa human nga nakadagan.
Giila ang mga biktima nga si ALLALUDIN LABAS y Saliling, hamtong, walay trabaho, minyo ug si BULGANI AMPALANI, legal ang edad, driver, minyo, nga managsamang mga residente sa Sitio Bantog,Barangay Mindupok, Maitum Sarangani Province.
Sa imbestigasyon sa Maitum Municipal Police Station, nasayran nga samtang naglakaw ang duha ka biktima sa national hi-way sa nahisgutang lugar kalit nga gipusil sila sa usa (1) ka wala mailhing gunman gamit ang cal. 45 nga pistola base sa slug nga nakuha sa crime scene human ang suspek daling misibat paingon sa wala matinong direksiyon gamit ang motorsiklo isip get-away vehicle.
Nagpahigayon ug manhunt operation ang kapulisan aron masikop ang suspek.
