GENERAL SANTOS CITY – Aksyunan sa City Environment And Natural Resources Office kon CENRO ang treasure hunting nga natigayon sa Purok 22 Sunrise sa Fatima ning syudad.
Sumala pa ni Mayor Lorelie Pacquaio nga nakigtagbo sila sa CENRO pinaagi sa department head nga si Allan MArcilla ug inspeksyunon ang maong lugar.
Kini human nabutang sa peligro ang mga rescue worker sa padayon nga pagkahugno sa dapit.
Samtang Gikumpirma ni Kapitan Rey Curit nga kaadlawon na sa Abril 16, 2023 giundang ang pagpangita sa nagpangalan ug Pastor Agapito Daanoy 58 residente sa centro Fatima ning syudad.
Giangkon ni Curit nga migamit ug backhoe aron makita ang lawas ni Daanoy apan padayon ang pagpahugno sa dapit gumikan sa kahuyang.
Gusto matud pa abton sa mga rescue worker ang 22 ka tiil nga gilawmon apan pito ka pye pa lamang ang ilang nakotkot nahugno na ang lugar.
Tungod sa peligro nagmando si Kapitan Curit nga dili na tandugon ang lugar ug gi estorya ang mga kabanay ni Daanoy nga ikonsidera na lamang nga lubong ang nahisgutang dapit.
Nasuta nga ang dapit nga gikotkot ug nahugno ang napatung-an sa balay ug simbahan nga panag-iya ni Pastor Teody Mampawa nga residente sa lugar.
Basi matud pa sa impormasyon nga daghan nga mga Pastor ang nagkotkot sa lugar apil ang pipila ka young people.
