-- ADVERTISEMENT --
GENERAL SANTOS CITY – Hilabihan ang kalipay sa bag-ong abogado nga taga Gensan nga si Atty. Juris Paul Mahusay human nga masayran nga makapasa sa bar exam.
Sumala pa ni Atty. Mahusay nga nagkulong kini sa court room kon asa kini nagtrabaho sa Alabel Hall of Justice una ang resulta sa bar exam.
Nadunggan na lamang niini nga nagsyagit sa kalipay ang mga katrabaho ug naghugyaw nga kini nakapasa sa bar exam.
Matud pa niini nga pangandoy na gyud niini nga mamahimong abogado tungod gipanganlan kini ug Juris sa inahan nga usa ka latin word nga nagpasabot ug balaud.
Tambag ni Atty. Mahusay nga dili gayud mawad-an ug paglaum bisan unsa mang pagsulay. Plano niiining magserbisyo sa katawhan isip pagtrabaho sa Public Attorneys Office kon PAO.
-- ADVERTISEMENT --
