SARANGANI – Hugot nga gipanghimakak ni Charlie Daguplo, principal sa H. Diamalod Ebrahim Elementary School sa Lun Padidu, Malapatan, Sarangani Province ang alegasyon batok kaniya nga nakapatay og tawo.
Matud pa niini nga nasayod siya nga may kasong gipasaka batok kaniya. Gikadugang pa sa nasampit kung asa iyang gihulat ang pagpagawas sa warrant of arrest og misurender sa mga otoridad.
Gibutyag sa nasampit nga magtutudlo nga inosente siya sa kaso hinungdan nga wala mitago og andam nga atubangon ang alegasyon.
Sa pamahayag ni Daguplo nga giakusahan siya nga nagpatay sa igsoon sa mga wanted persons sa ilang lugar.
Nasayran nga gikan sa kasong murder nga gipasaka gihimong homicide hinungdan nga nakapyansa.
Anaa sa P120,000 ang gibayad nga pyansa sa nasampit alang sa iyang termporaryong kagawasan.
