GENERAL SANTOS CITY – Nangayo og pasaylo si City PNP Director Col. Jomar Alexis Yap sa General Santos City Police Office (GSCPO) sa mga kabanay sa mga biktima sa natigayong mga pagpamusil patay sa dakbayan.
Sa iyang pamahayag nga isip labaw sa kapulisan sa dakbayan iyang responsibilidad ang pagpatuman sa kalinaw.
Hinoon wala sila nagpasagad sa imbestigasyon kung asa daghan na ang nakasuhan.
Sa talaan gikan Jan 1, 2022 hangtud March 14, 2023 anaa sa 55 ka mga shooting incidents nga natala sa dakbayan nga numero uno sa listahan ang murder case.
Sa tuig 2023 ang bulan sa Pebrero ang may daghang natala nga kaso sa shooting incidents nga anaa sa pito ang natigayon.
Kahibaluan nga kasagaran sa mga shooting incidents sa dakbayan ang natigayon sa mga dagkong barangay nga gikalangkuban sa Fatima, Labangal, Calumpang, Lagao og Apopong.
