GENERAL SANTOS CITY – Napasakaan na og kaso ang usa ka lalake nga nasikop gumikan sa paghupot sa P1.7 million nga shabu.
Matud pa ni P/Lt. Col. Joseph Forro, chief of police sa Polomolok, Municipal Police Station nga naaresto sa drug-bust operation Rey Caspillo alyas Nonoy, 36 years old, minyo, mag-uuma nga taga Bo.3, Barangay Rizal, Banga, South Cotabato.
Ang buybust operation natigayon sa Purok 1, Barangay Glamang, Polomolok, South Cotabato.
Atol sa operasyon ang poseur buyer ang nakapali og duha ka medium sized nga sachet sa gituohang shabu nga may gimbug-aton nga anaa sa 10 grams gamit ang P 1,000.00 nga marked money.
Apan narekober sa iyang posession ang lima ka dagkong sachets sa shabu nga anaa sa 250 grams nga sa katibuk-an miabot sa P 1.7 million.
Nasayran nga si Caspillo ang high value target sa Banga.
