GENERAL SANTOS CITY – Gikumpirma ni City PNP Director Col.Jomar Alexis Yap nga may testigo na sila sa nahitabo ga pagpamusil sa magtiayon sa Fatima ning dakbayan.
Matud pa nga mas gipalawman karon ang imbestigasyon aron matumbok ang resp0nsable sa nahitabo.
Kahibaluan nga patay ang misis nga si Amelia Tajala og samaron ang bana nga si Belgar, nga mga residente sa Purok 5, Block 7, Brgy. Fatima, GenSan.
Gapanawagan kini sa katawhan nga may kasayuran sa kremin nga makig-alayon kanila aron nga mahatagan og hustisya ang mga biktima.
Wala pay gipagawas nga motibo ang kapulisan sa nahitabo gumikan hugot pa ang imbestigasyon.
Nasayran nga padulong sa fishport ang mga nasampit nga sakay sa ilang puti nga sakyanan sa dihang gipangpusil sa mga suspek nga sakay sa motorsiklo.
Anaa sa 16 ka mga basiyo sa caliber 45. ang nakit-an sa crime scene.
