GENERAL SANTOS CITY – Gipaklaro ni Atty. Rey Cartojano, co-anchor sa Durelex Sedlex sa Bombo Radyo GenSan nga may proseso nga gipatuman una malakip sa Witness Protection Program kon WPP ang usa ka suspek.
Ang pamahayag niini ang natigayon human migawa ang report nga may mga suspek sa pagpatay kang Negros Oriental Gov. Roel Degamo ang ipailawom sa WPP.
Sa iyang pamahayag nga ang usa ka suspek nga pwede nga mapailawom sa WPP ang kadtong gamay lang ang partisipasyon sa kremin.
Ang tumong niini aron nga mahimong huyang ang depensa sa akusado.
Daghang ang benepisyo kung ipailawom sa WPP ang usa ka tawo gumikan dili siya mabilanggo kauban ang mga ordinaryong mga piniriso.
Dili lamang ang gipailawom sa WPP ang makabenepisyo apan lakip ang pamilya kung asa dad-on sa mas luwas nga lugar og suportahan sa gobyerno sa ilang panginahanglanon.
