GENERAL SANTOS CITY – Giawhag ni Joremae Balmediano, spokesperson sa Office of the Civil Defense (OCD) 12 ang publiko nga muapil sa matigayon nga unang quarter sa National Simultaneous Earthquake Drill (NSED) nga mahitabo karong adlawa.
Matud pa niini nga kini ang labing unang face to face nga earthquake drill sukad ang pandemnya.
Kada tuig upat ka higayon nga matigayon ang earthquake drill nga ang tumong nga mahatagan og igong kasayuran ang katawhan kung unsa ang angayang himoon oras nga may linog.
Angayang masayod ang publiko gumikan kanunay nga may mahitabo nga linog sa nasud og dili kini masayran kung kanus-a matigayon.
Angayang sundon ang mga protocols matag may linog susama sa “Duck, Cover and Hold”.
Kung anaa sa tag-as nga building dili muagi sa elevator gumikan delikado ilabi nga pagkahuman sa linog may matigayon nga mga aftershocks.
