GENERAL SANTOS CITY – Gihingusgan ni P/Major Carl Jayson Baynosa, chief of police sa San Isidro Police Station nga gikonsidera na nila nga sulbad ang kaso sa pagpatay sa HR manager sa DOLE Philippines nga si Christopher Cordova, 44 anyos nga gipatay sa kaugalingong balay niini sa Agan Grandville, Barangay City Heights ning dakbayan.
Matud pa sa nasampit nga opisyal kini human nga nangayo og pakitabang ang suspek nga usa ka 15 anyos nga lalake sa usa ka media organization sa Davao tungod gusto niya ibalik ang cellphone sa biktima nga iyang napalit sa Marawi.
Tungod niini miuyon ang iyang naka-estorya og gidala ang suspek sa presinto sa kapulisan sa dakbayan aron iuli ang cellphone .
Sa pagpangutana hugot nga gipanghimakak sa suspek ang alegasyon apan sa kaulahian giangkon og gisaysay kung unsa niya gipatay.
Adunay sexual relationship ang duruha nga misangpot sa komosyon gumikan dili gusto sa 15 anyos ang gipahimo kaniya.
Ang suspek ang anaa karon sa kustudiya sa City Social Welfare and Development Office (CSDWO) og giandam na ang kasong giatubang.
