Upat ka empleyado sa LGU sa Glan, Sarangani Province nagpositibo sa ilegal nga droga

SARANGANI PROVINCE – Gikumpirma ni Mayor James Yap sa Glan, Sarangani Province nga upat ka kawani sa lokal nga panggamhanan sa maong lugar ang nagpositibo sa ilegal nga droga.

Matod niya, silang tanan ang mga job order workers.

Nasuta nga nagpositibo sila sa ilegal nga droga pinaagi sa mandatory drug test nga gihimo sa tanang empleyado.

Samtang gipahimangnoan usab ni Mayor Yap ang mga empleyado nga dili siya magpanuko sa pagpatuman kung unsa ang mga balaod.

Sa iyang pamahayag nga dili siya gusto og empleyado sa ilang munisipyo nga nagagamit og ilegal nga droga.