GENERAL SANTOS CITY – Laing mga smuggled nga mga sigarilyo ang nakumpiska sa mga otoridad.
Ang ulahing nakumpiska ang 30 ka karton sa Cannon Long Method Cigarettes, 1 ka karton sa Cannon Short Method Cigarettes, 11 ka karton sa Duston Red Cigarettes, 1 karton sa Duton white Cigarettes, 30 ka karton sa Time Apple Cigarettes, 1 karton sa Time Strawberry Cigarettes nga nagkantidad og kapin sa P600,000.
Naaresto usab ang sakay sa van nga gikargahan sa mga smuggled nga mga sigarilyo. Kini mao silang Junel Enterina, 26 anyos, Reden Salazar, 26 anyos, pulos taga Kalawag 2, Isulan Sultan Kudaratug si Saidali Guimba Salisipan, 31 anyos nga taga Purok Waywaya, Tacurong, Sultan Kudarat.
Natigayon ang pagkumpiska sa dihang gipahigayon ang random checkpoint ang mga otoridad sa national highway sa Brgy. Sinawal.Iang giharang ang usa ka van nga adunay plate number CAY9230.
Nakit-an sa mga otoridad ang maong daghang karton sa sigarilyo og walay ipakita nga mga dokumento.
