GENERAL SANTOS CITY –Nakaangkon na og bag-ong gambalay ang San Isidro Police Station kung malampusong gi-inagurahan sa miaging adlaw.
Ang blessing og inauguration sa maong gambalay ang gitambungan ni Mayor Lorelie Geronimo Pacquiao kauban niini si PNP Regional Director, P/B/Gen. Jimili Macaraeg.
Ang Ceremonial Cutting of Ribbon og Unveiling of the Building Marker gipangunahan ni Macaraeg kauban silang Mayor Lorelie Pacquiao, P/Col. Jomar Alexis Yap, Acting City Director ng GSCPO, og P/Maj Carl Jayson Baynosa, Station Commander sa maong presinto.
Gipangunahan usab ni Fr. Noeh Pedrajas ang blessing sa maong gambalay.
Giawhag ni Gen. Macaraeg ang mga ginsakpan sa PNP nga magpabiling matinud-anon sa ilang misyon og himuon og tarong ang ilang responsibilidad isip tigpatuman sa balaud.
