GENERAL SANTOS CITY – Gapanawagan ang lokal nga gobyerno sa mga tourist related establisments sa dakbayan nga himoong kinaiya na ang pagsumiti og report kalabutan sa mga tourist arrivals.
Matud pa ni Droy Alcaya, tourism officer sa City Economic Management Cooperative and Development Office (CEMCDO) nga may ordinansa ang syudad kalabutan niini nga pwede nga masirad-an ang mga establismento.
Sa iyang pamahayag nga sa 155 ka mga hotel inns and pension houses sa syudad anaa lang sa 81 nagreport sa ilang tourist arrivals.
Sa 37 ka resort 12 lang ang gahatag og report, travel agencies nga 13 ang 11 lang ang gatuman sa ilang responsibilidad, tour operators nga 36 ang walo lang gareport sa tourist arrivals og MICE venues nga 40 ang 15 lang ang gahatag og report.
Ang usa sa mga rason nganong dili makahatag og report ang mga tourist related establisments sa dakbayan tungod makuti ang pagrecord kada adlaw.
Apan ilang gi-training na ang mga nasampit kung sa unsa maghimo og report.
