GENERAL SANTOS CITY – Nagpaklaro si Vice Mayor Rosalita Nuñez kalabutan sa pagkwestyon supplemental budget number 5 nga nagkantidad og P1.017 billion.
Matud pa niini nga ang request ang gikan sa executive department og ilang giaprobahan sa Sangguaniang Panlungsod.
Sa iyang pamahayag nga ang himoon karon nga i-justify ang maong hisgutanan.
Gibutyag pa niini nga walay pulos ang local government code kung dili makabuot sila sa kaugalingong income.
Ang supplemental budget number 5 una mahuman ang 2022 gikan sa P800 million nga budget gihimong P1.017 billion nga gidugang ang mga bunos og laing benepisyo nga nadawat sa mga empleyado sa lokal nga gobyerno.
Ang Department of Budget and Management kon DBM 12 ang nagpadala og sulat sa Sangguniang Panlungsod nga ilang nasupak ang Article 415 sa Republic Act 7160 o local government Code nga nakalatid nga dili pwede makadugang og bag-ong items gikan executive budget gawas na lamang sa statutory og contractual obligations.
