GenSan dili pa pwede manakop sa mga tricycle drivers nga wala nakasunod sa balaod

GENERAL SANTOS CITY – Gihingusgan ni Kag. Dominador Lagare, chairperson sa committee on transportation sa konseho nga dili pa pwede nga manakop og mga tricycle nga wala nagtuman sa balaod.

Matud pa niini nga kini gumikan anaa pa sa proseso ang paghatag og prangkisa sa dakbayan.

Sa iyang pamahayag nga muab0t gayud sa punto nga manakop ang dakbayan.

Gibutyag pa niini nga hatagan sila og duha ka bulan og ipahigayon ang pagpanakop sa mga tricycle drivers nga wala nakasunod sa balaod.

Sa pagkakaron giplastar pa sa syudad ang problema sa sektor sa transportasyon nga dugay na nga nasinatian sa dakbayan.

Gapanawagan ang maong opisyal sa mga tricycle drivers nga mag-apply og prangkisa aron nga mahimong legal ang pagpamasahero sa syudad.