GENERAL SANTOS CITY – Pirmado na ni Municipal Mayor Vic Paul Salarda, ang Site Development Plan alang sa Ladol Beach Resort Eco-Tourism Development Project.
Nagikan pa sa central office sa Tourism Infrastructure and Enterprise Zone Authority (TIEZA) ang site development plan, nga aprobado na una sa mga miyembro sa TIEZA board, usa ka Government Owned and Controlled Corporation (GOCC) nga attach sa Department of Tourism (DOT).
Pagapondohan ang maong eco-tourism development project og P 100 million nga state of art nga mga moderno nga cottage, recreation hub ug must-visit nga atraksyon ang makit-an puhon sa Ladol beach.
Segun pa sa planning personnel sa TIEZA Central Office nga dako ang mahatag nga benepisyo sa maong kalambuan sa Ladol Beach dili lamang sa mga taga- Brgy Ladol apan sa kinatibuk-ang Alabel ug sa habagatang bahin sa Region 12.
Sa resulta migawas nga inventory sa tourism arrival apil sa Top 10 ang Alabel sa most visited tourism destination sa Region 12.
