GENERAL SANTOS CITY – Sugdan na ugmang adlawa ang ‘dry run’ sa gisugyot nga traffic management plan alang sa Phase 2 sa Underpass/Interchanges Project.
Kahibaluan nga sa Phase 2 sa proyekto, ipahigayon ang pagpakonkreto sa walo ka metros nga gilapdon nga access roads sa matag kilid sa underpass project.
Ang lima ka metros nga gilapdon sa inner lane ablihan sa publiko ug sa mga motorista.
Gilauman nga mahuman sa 45 hangtod 60 ka adlaw ang maong pagpasemente sa kilid sa dalan.
Sa gisugyot nga plano sa pagdumala sa trapiko:
Kung moadto sa City Proper (downtown) – Adto sa inner lane sa underpass project ug liko sa tuo padulong sa Bulaong Avenue.
Kung moadto sa Mabuhay – Adto sa inner lane sa underpass project ug liko sa tuo paingon sa Dacera Avenue. Mahimo usab nga muagi sa Aparente Street gikan sa National Highway (Digos-Makar Road).
Kung padulong usab o sa Apopong – Subayon ang sulod nga lane sa underpass project hangtud nga makagawas.
Mahimo usab nga muagi sa Olaer Bridge sa Yumang Street Extension.
Kung gikan usab sa Mabuhay padulong sa city proper (downtown) gikan sa Dacera Avenue, liko sa wala ngadto sa Salvani Street.
Hingpit nga gidili ang left turns sa lugar nga gitrabahuan.
Gitambagan ang tanang motorista nga magplano og maayo sa ilang rota aron malikayan ang dugang kahuot sa trapiko.
