GENERAL SANTOS CITY – Sa paghuman sa unang hugna sa General Santos City Underpass/Interchanges Project, ang LGU GenSan, pinaagi sa inisyatiba sa project contractor ug sa koordinasyon sa DPWH, mopahigayon og ‘dry run’ sa gisugyot nga traffic management plan alang sa Phase 2 sa Underpass/Interchanges Project sa Lunes, Enero 30.
Sa Phase 2 sa proyekto, ipahigayon ang pagkonkreto sa walo ka metros nga gilapdon nga access roads sa matag kilid sa underpass project. Ang lima (5) ka metros nga gilapdon sa inner lane ablihan sa publiko ug sa mga motorista.
Kini nga bahin gilauman nga mahuman sa 45 hangtod 60 ka adlaw.
Sa gisugyot nga plano sa pagdumala sa trapiko:
Kung moadto sa CITY PROPER (downtown) – Adto sa inner lane sa underpass project ug liko sa tuo paingon sa Bulaong Avenue.
Kung moadto sa MABUHAY – Adto sa inner lane sa underpass project ug liko sa tuo paingon sa Dacera Avenue.
Mahimo usab nga moagi sa Aparente Street gikan sa National Highway (Digos-Makar Road).
Kung paingon usab gadto sa APOPONG – Subayon ang sulod nga lane sa underpass project hangtod nga makagawas. Mahimo usab nga moagi sa Olaer Bridge sa Yumang Street Extension.
Kung Gikan usab sa MABUHAY paingon sa CITY PROPER (downtown) – Gikan sa Dacera Avenue, liko sa wala ngadto sa Salvani Street.
Higpit nga gidili ang LEFT TURNS sa lugar nga gitrabahoan Gitambagan ang tanang motorista nga magplano og maayo sa ilang rota aron malikayan ang dugang kahuot sa trapiko.
