Mga OFWs sa Switzerland nakadayeg kang Pangulong Marcos Jr

GENERAL SANTOS CITY – Gihingusgan ni Bombo International Correspondent Rosil Imbach sa Switzerland nga lumad nga taga GenSan, nga mapasigarbohon sila nga apil si Pangulong Ferdinand Bongbong Marcos Jr. nga World Economic Forum.

Matud pa niini nga daghang mga maayong world leaders sa Asya nganong ang pangulo ang giimbitahan.

Sa iyang pamahayag nga bisag sa mga negatibong panghitabo sa Pilipinas apan giimbitahan ang pangulo nga mamulong sa atubangan sa daghang mga lider sa tibook kalibutan.

Gikadugang pa sa nasampit nga positibo ang panglantaw sa mga OFWs sa maong nasud sa pagdumala sa Pilipinas ni Pangulong Marcos.

Nanghinaut kini nga daghang mga investors ang maawhag nga magbubo og negosyo sa nasud.