GENERAL SANTOS CITY – Luyo nga may matudlo na nga suspek ang kapulisan kung kinsa ang mipusil patay sa usa ka menor de edad sa Purok Spring Mudia, Zone B, Brgy Labangal ning dakbayan apan wala una gibutyag ang motibo.
Kini aron nga dili maapektuhan ang gihimong imbestigasyon sa kapulisan.
Matud pa kang P/Lt. Col. Aldrin Gonzales, tigpamaba sa General Santos City Police Office kon GSCPO nga wala nagpasagad ang kapulisan sa imbestigasyon aron manubag ang responsable.
Nanghinaut ang maong opisyal nga dili magdugay mapasakaan og kaso ang naghimo sa maong kremin.
Kahibaluan nga dead on the spot si Princess Talosan, 17 anyos, Grade 9 student sa Lanton High School sa Brgy Apopong nga taga Purok Mudia Extension, Brgy Labangal samtang samaron si Jay Claro Rom, 35, minyo, taga Purok 2 Lanton, Apopong ning syudad.
Si Talosan, ang target sa pagpamusil apan nakapangayo og tabang kang Rom og napusilan apan wala naintimano human nakadagan.Si Princess ang nakadagan usab apan naabtan sa suspek og gipusil sa liog og agtang hinungdan sa hinanaling kamatayon.
