Panawagan ni DILG Sec. Abalos nga magsumiti og courtesy resignation ang mga fully pledged colonel hangtud sa general, gikan sa lawom nga intelligence information sumala sa usa ka abogado ning dakbayan

GENERAL SANTOS CITY – Gihingusgan ni Atty. Rey Cartojano, co-anchor sa Duralex Sedlex sa Bombo Radyo GenSan nga lawom ang intelligence information ni Interior Sec. Benjamen Abalos hinungdan nga misangpot sa panawagan nga magsumiti og courtesy resignation ang mga fully pledged colonel hangtud sa general.

Kini gumikan gituohan nga daghang mga opisyal sa kapulisan ang nalambigit sa ilegal nga droga.

Gatuo kini nga may pagtugot gikan sa chief executive nganong gihimo ang sa ingon. Sa iyang pamahayag nga ang gihimo sa kalihim ang maoy magpamatuod sa alegasyon sa miaging administrasyon nga ang gipanggukod mao ang mga ordinaryong nalambigit sa ilegal nga droga og dili kadtong may dagkong operasyon.