-- ADVERTISEMENT --
GENERAL SANTOS CITY – Nanghinaut si City PNP director Col. Jomar Alexis Yap, nga mahimong malinawon ang dakbayan sa Heneral Santos hangtud mahuman ang tuig 2022.
Matud pa niini nga kung basehan ang mga eight focus crimes sa bulan sa Disyembre ning higayona mas ubos pa ang natala itandi sa dihang nahitabo ang pandemic.
Matud pa niini nga resulta kini sa kooperasyon sa tanan aron magpabilin nga malinawon ang syudad.
Gihingusgan niini nga dili kaya sa mga pulis nga sila lang ang mubantay sa palibot og kinahanglan ang kooperasyon sa tanan. Ang eight focus crimes mao ang pagpangawat, physical injury, rape, robbery, murder, homicide, motorcycle theft og vehicle theft.
