GENERAL SANTOS CITY – Gihingusgan ni Atty. Rey Cartojano, co-anchor sa Duralex Sedlex sa Bombo Radyo GenSan nga dili na bag-o sa Pilipinas ang pagparehistro sa pangalan og laing impormasyon ang Sim Card Registration Law.
Matud pa niini nga susama sa post paid nga cellphone una nga maadto sa subscriber ang iyang unit lakip na ang simcard number ang angayang kuhaon sa mga telcos ang pipila ka mga impormasyon.
Gikadugang pa sa nasampit nga dili lamang sa Pilipinas ang gapatuman niini apan daghang mga lugar na sa tibook kalibutan.
Sa iyang pamahayag nga may probisyon sa Sim Card Registration Law nga dili pwede ihatag sa mga telcos ang impormasyon sa usa ka subscriber nga walay igong rason tungod dako ang multa.
Sa mga telcos lakip na ang mga sellers o retailers nga dili magtuman sa confidentiality status ang magmulta og dili muubos sa P500,000 o dili mosobra sa P4 million.
