GENERAL SANTOS CITY – Malampusong natigayon ang Indignation Rally sa mismong anibersaryo sa CPP-NPA-NDF sa pagpanguna sa KKDAT General Santos City Chapter kauban ang mga miembro sa SIMBAYANAN Team ug mga miyembro sa Lingkod Bayan Advocacy Support Groups nga gisugdan pinaagi sa Candle Lighting Activity sa Queen Tuna Park nga gihalad alang sa mga nahimong biktima sa mga mangilgig nga hinimuan sa mga walhong grupo ug gisundan gilayon kini ug Walk for Peace padulong sa Plaza Heneral ning syudad.
Kini ang tinuig nga gihimo sa KKDAT aron nga kondinahon ang mga hinimuan ug aron maundang ang pagpangilad nga ginahimo ngadto sa kabataan aron nga dili muapil ug madala sa mga ideolohiyang ginapakatag niini.
Tumong sa KKDAT o sa mga Kabataan Kontra Droga ug Terorismo sa tabang na usab sa KASIMBAYANAN Team, Lingkod Bayan Advocacy Groups ug uban pang ahensya sa gobyenro nga gapakita ug tinud-anay nga panaghiusa sa matag Pilipino nga batukan ang terorismo sa nasud.
