GENERAL SANTOS CITY – Gihingusgan ni Eddie de Asis, officer in charge sa Department of Trade and Industry kon DTI GenSan nga kada semena gapahigayon og monitoring ang ilang buhatan sa presyo sa mga nag-unang palaliton lakip na ang mga noche buena products.
Sa iyang pamahayag nga kini aron masiguro kung nahisubay sa suggested retail price kon SRP ang mga gabaligya.
Giawhag pa sa nasampit nga opisyal ang publiko nga magreport sa ilang opisina kung may mga gabaligya nga wala nahisubay sa SRP.
Ang mga dagkong tindahan nga dili magunod sa patakaran ang pahamtangan og silot.
Karon pa lamang giawhag niini ang katawhan nga kung may kwarta na mamalit na og mga noche buena products tungod gilauman nga magpunsisok ang mga tawo kung duol na ang pasko og bag-ong tuig.
Pilian kadtong dugay ang expiration date aron dili masayang ang mga gipamalit.
