Vice Mayor Nuñez nagpaklaro sa gi-hire nga mga job order workers

GENERAL SANTOS CITY – Nagpaklaro si Vice Mayor Rosalita Nuñez, sa isyu kalabutan sa pag-hire niini og mga job order workers sa syudad.

Matud pa ni Nuñez nga dugay na nga gihimo ang gimbuhaton sa miaging mga vice mayors og wala usab gikwestyon.

Gikadugang pa sa nasampit nga opisyal nga nag-estoryahanay na sila ni Mayor Pacquiao kalabutan sa maong hisgutanan nga ang tubag mao nga status quo una.

Samtang miadto sa mayor ang mga JOs nga walay problema og magpadayon ang pagserbisyo.

Una niini gibutyag ni Kag. Jeng Gacal nga dili ma-swelduhan ang mga JOs nga illigal nga na hire.

Rason niini nga base sa balaod, ang lokal chief executive nga buot ipasabot mayor o gobernador lamang ang adunay mga katungod nga maoy mopirma lamang sa mga kontrata sa JOs.