GENERAL SANTOS CITY – Nakaandam na ang tibuok Sarangani Province alang sa pagsaulog sa 2022 Munato Festival.
Gibutyag ni Kranz Espartero, Executive Assistant sa Provincial Governor’s office sa Sarangani , gidako ang maong pondo aron mapakita sa mga katawhan sa tibuok kalibutan ang dato nga kasaysayan og kultura sa probinsya.
Kahibaluan nga duha ka tuig nasad wala nakasaulog og face to face nga selebrasyon sa Munato Festival gumikan sa COVID-19 pandemic.
Tungod niini mas gihan-ay pag maayo og gipabongga ang maong selebrasyon. Kini usab ang munato festival ilawom sa pagdumala ni Sarangani Governer Rogelio Pacquiao.
Paga-ablihan ang selebrasyon ugmang adlawa Nobyembre 25 kung diin usa ka magarbo nga opening program ang ipahigayon diin si kanhi Sen.Manny Pacquiao ang dinapit bisita.
