GENERAL SANTOS CITY – Anaa sa LGU-Gensan ang sayop sa prolema sa transportasyon sa dakbayan sa pagkakaron.
Matud ni Kag. Jun Lagare Jr., kini gumikan napasagdan ang transportation sector kaniadto.
Sa iyang pamahayag, niadtong 2016 dihang nisulod siya isip chairperson sa Commmittee on Transportation sa Sangguniang Panlungsod og nakita niya ang kalandarkas nga sitwasyon sa transportasyon ilabina sa traysikel.
Aduna matud pa siyay girekomenda sa ehekutibo sa mga pwedeng maayong himuon apan wala giaksyunan.
Usa sa nakita nga sayop kaniadto nga walay saktong pagdetermina kung kinsa ang hatagan ug prangkisa dili sama sa karon nga pinaagi sa MTFRB masayran kung kinsa i-award ang prangkisa.
Kaniadto bisan dili makapasa sa mga rekositos ang matagaan gihapon og prangkisa. Gani, may sitwasyon pa nga may usa ka operator nga gitagaan og 32 ka prangkisa.
