SARANGANI PROVINCE – Padayon ang pagtutuk sa mga opisyal sa Malungon, Sarangani Province sa mga lugar nga grabeng naapektuhan sa pagbaha ilabi pa nga mga nasinatian pa nga mga pag-ulan.
Kahibaluan nga usa ang patay samtang halos 98 pamilya kon halos 500 ka mga indibidwal ang naapektuhan sa pagbaha og landslide sa maong lugar.
Matud pa ni Jessie Dela Cruz labaw sa Municipal Disaster Risk Reduction & Management Office, naila ang namatay nga si Christopher Sarnillo, 30 anyos, residente sa Brgy. Juan Malungon.
Gibutyag nga mitabok sa suba ang biktima aron ibalhin ang iyang kabayo apan tungod sa kusog nga bul-og sa tubig naanod ang nasampit og nakit-a nga patay na.
Samtang anaa sa P21 million ang damyos sa imprastraktura kung asa duha ka tulay ang dili maagian human nga naputol og padayon sa pagkakaron ang ginahimong damage assessment sa mga high value crops.
Nasayran nga napulo ka barangay sa Malungon ang grabeng naapektuhan lakip niini ang Barangay Poblacion, Banahaw, Nagpan, Ampon, Tamban, Malandag, JP Laurel, Banate, San Miguel, og San Juan.
