Qatar positibo nga gidawat ang mga pagsaway sa pag-host sa FIFA World Cup 2022

GENERAL SANTOS CITY – Andam na ang Qatar luyo sa mga kontrobersiya nga giatubang sa ilang paghost sa FIFA World Cup 2022.

Matud pa ni Bombo International Correspondent Melchor Omanito Jr. sa Qatar nga positibo ang panglantaw sa host country sa mga pagsaway kanila.

Sa iyang pamahayag nga andam na ang maong adunahang nasud sa maong dako nga panagtigum sa mga atleta kung asa dugay na nga gipangandaman.

Kahibaluan nga gisaway ang Qatar gumikan sa ilang istriktong mga patakaran kung asa bawal kanila ang ‘same sex relationship.’

Daghan na ang mga nasud nga apil sa maong kompetesyon ang miabot alang sa FIFA World Cup 2022.

Ang mga organizers sa FIFA ang gapanawagan sa matag team nga dili sagolan og pulitika ang dula inay mag focus sa kompetesyon.